20 ақпанда Л. Н. Толстой ат. ҚОӘҒК қонақжайында ағылшын жазушысы Льюис Кэрроллдың туғанына 190 жыл толуына арналған Анастасия Серікованың балалар театр студиясының «Новая Алиса в Зазеркалье» атты спектаклі шараға жиналған жұрттың назарына ұсынылды.

Оның шын аты – Чарльз Лутвидж Доджсон. Ол логик және математик, философ және фотограф болды, бірақ жер жүзінің оқырмандарына «Алиса в Стране Чудес» және «Алиса в Зазеркалье» ертегілерінің авторы ретінде Льюис Кэрролл деген лақап атымен  танымал. Бұл ертегілер балалар мен ересектер арасында өте танымал. Оларда көптеген математикалық және лингвистикалық әзілдер, философиялық кейіпкерлер бар. Шығармалары тұтас бір жанрдың – фэнтезидің қалыптасуына әсер етті.

Льюис Кэрролл ертегісінің желісі бойынша қойылған, қиял мен ой еркіндігінің туындысы болып табылатын «Новая Алиса в Зазеркалье» спектаклін көрермендер жылы қабылдады. Аталған қойылымның жиналғандардың мәдени ой-өрісін кеңейтуге ықпал етері анық.