Көрнекті қазақ жазушысы, ғалым-академик, филология ғылымдарының докторы, профессор және қоғам қайраткері Мұхтар Әуезовтің туғанына 125 жыл толуына орай Әмбебап оқу залы «Замана заңғары – Мұхтар Әуезов» атты кітап көрмесін дайындады. Онда ұлттық прозада, драматургияда, театр мен кинода жарқын із қалдырған көрнекті жазушының сан қырлы қызметін кеңінен қамтитын әдебиеттер қойылды. 

Көрмеге қойылған «Абай жолы» роман-эпопеясы ерекше қызығушылық тудырады, ол біздің елімізде және одан тыс жерлерде кеңінен танымал. Романның басты кейіпкері – шынайы тарихи тұлға, ұлы ақын, ағартушы Абай Құнанбаев.

Ұлы жазушы туралы ғылыми зерттеулер мен мақалалар, сондай-ақ жазушының басқа да танымал әдеби-көркем шығармалары енгізілген «Мұхтар мұрасы» кітабы да оқырман назарына лайық.

Сіздерді жыл бойы жұмыс істейтін кітап көрмесіне шақырамыз.