26 қарашада Өлкетану әдебиеттері бөлімі «Қазақстанның киелі жерлері» арнайы жобасы аясында белгілі зерттеуші, атақты Торғай геоглифтерін алғашқы ашқан, «Turgay Discovery» жобасының жетекшісі Дмитрий Деймен кездесу өткізді.

         Дмитрий Дей қонақтарды Торғайдың ең жұмбақ және таңғажайып жер үсті құрылыстары – Торғай геоглифтерін көп жылдық зерттеулерімен таныстырды. Іс-шара қоғамның назарын ежелгі ғимараттарға аудару, олардың жойылуының алдын алу және болашақ ұрпақ үшін сақтау мақсатында ұйымдастырылды. 

          Дмитрий Дейдің бейнетаныстырылымы, оның бірегей археологиялық ескерткіштер туралы әңгімесі кездесу қонақтарының шынайы қызығушылығын тудырды.