1 қарашада  Л. Н. Толстой ат. ҚОӘҒК өлкетану әдебиеттері бөлімі мүгедектерге арналған «Дружба» Қостанай облыстық оңалту орталығында белгілі қоғам қайраткері, публицист және спортшы Аркадий Семенович Денисовпен шығармашылық кездесу өткізді.

Кездесуге келгендер Аркадий Семеновичтің өмірбаянынан көптеген қызықты деректерді біліп, ол оқыған өлеңдерді тыңдады, қонақтың жеке мұрағатынан ұсынылған сирек кездесетін фотосуреттерді көрді.

«Менің өмірімде екі нәрсеге: авиацияға және жеңіл атлетикаға құмарлық болды. Соңғысынан әлі күнге дейін айырылған емеспін. Мұның сыртында әлеуметтік мәселелерге бейжай қарамайтын,  публицистикамен айналысатын адам ретінде миымды үнемі жаттықтырып отырамын»,-дейді Аркадий Семенович.