17 қыркүйек күні өлкетану әдебиеттері бөлімі танымал журналист-публицист, Қазақстанның еңбек сіңірген мәдениет қайраткері, Қазақ телевизиясының ардагері Қажы Қорғанұлының «Кеудесі ағалардың алтын сандық» кітабының таныстырылымын өткізді.

Алғашқы сөз Облыстық «Қостанай таңы» газетінің бас редакторы, Қазақстан жазушылар Одағының облыстық филиалының басшысы Жанұзақ Аязбековке берілді. Іс-шараға өңірімізге белгілі ақын-жазушылар, қоғам қайраткерлері, сондай-ақ Ұлы Отан соғысының ардагері Қасымхан Алдабергенов қатысты. Қонақтар авторды жаңа кітаптың шығуымен құттықтап, оған ұзақ ғұмыр, зор денсаулық, шығармашылық жаңалықтар тіледі.