2021 жылдың 15 қыркүйегінде Л. Н. Толстой ат. ҚОӘҒК көзі көрмейтін және нашар көретін азаматтармен жұмыс бөлімі «Рухани жаңғыру» бағдарламасын жүзеге асыру аясында «Баланың дүниеге келуі: салт пен дәстүр»  атты МР-3 басылымын ұсынады. 

Қазақ халқының өмірімен біте қайнасып келе жатқан салт-дәстүр, әдет-ғұрып, ырым-тиым, рәсім, жоралғылар өте көп. Адамның сәби шағында  «Шілдехана», «Тұсаукесер» «Сүндет той» т.б тойлары өткізіледі. Өскелең ұрпақ өз елінің тарихын, тілін, дінін, салт-дәстүрін, әдет-ғұрпын білуі шарт. Қай ғасырда, қай қоғамда болмасын ата-ана  өмірін жалғастыратын саналы ұрпақ тәрбиелеуге міндетті. Кешегі нәресте – бүгінгі ақылы толысқан, парасатты, ойы озық азамат. Отбасының тәрбиесін көрген ол өз елінің патриоты болып, қоғамның жеке тұлғасына айналады. Сондықтан да салт-дәстүрлердің бала тәрбиесіндегі орны ерекше.