Құрметті оқырмандар!

Абонементтер бөлімі геолог-ғалым, геология-минералогия ғылымдарының докторы, профессор, Қазақстанның еңбек сіңірген ғылым қайраткері  Ақжан әл-Машанидің туғанына 115 жыл толуына арналған «Қазақстан ғылымының атасы» атты кітап көрмесін ұсынады. Ғылыми ой-өрісінің кеңдігі, араб тілін білуі Ақжан Жақсыбекұлына оның басты еңбектерінің бірі – әлемге ұлы ғалым Әбу Насыр әл-Фарабидің рөлін ашуға мүмкіндік берді. Көрменің көрнекті жеріне Ақжан әл-Машанидің 16 томдық кітаптар сериясы – «Әл-Фараби көпірі», «Әл-Фараби және Абай», «Табу», «Шаңырақ», «Аль-Фараби и современная наука», «Космос және космология» қойылған. Сондай-ақ көрмеден энциклопедияшы, педагог, геомеханик, Қазақстан ғылым академиясының корреспондент мүшесі, жазушы Ақжан әл-Машанидің өмірі, қызметі және шығармашылық мұрасына қатысты кітаптарды көруге болады.

Кітаптар тек ғылыми қызметкерлерге ғана емес, сонымен қатар көпшілік оқырман қауымға арналған.