Құрметті оқырмандар, Өнер туралы әдебиеттер бөлімі назарларыңызға кино суретшісі, кескіндемеші, график, Қазақстанның халық суретшісі Сахи Романовтың туғанына 95 жыл толуына арналған «Өмірді сүйген суретші» атты кітап көрмесінің бейнешолуын ұсынады.
Сахи (Александр) Иванович Романов – қазақстандық график, кино суретшісі, кескіндемеші, КСРО Суретшілер одағының мүшесі, Қазақстанның еңбек сіңірген өнер қайраткері, Қазақ КСР халық суретшісі. «Құрмет белгісі», «Еңбек Қызыл Ту» және «Парасат» ордендерімен марапатталған.
С. Романовтың кескіндемесі жігерлі, көп бояулы және әсерлі, оның жұмыстарынан өзіндік ерекшелік пен бейнелеу мәнері бірден байқалады. Суретшінің шығармашылығы Қазақстанның бейнелеу өнерінің қазынасына қосылған елеулі үлес болып табылады. #Qazaqstan30