Қазақстан Республикасы Тәуелсіздігінің 30 жылдығына орай абонементтер бөлімінде «Қазіргі қазақ поэзиясы» атты кітап көрмесі қойылды. Кітаптардың бұл топтамасы Қазақстан Республикасы Мәдениет және спорт министрлігінің «Әдебиеттің әлеуметтік маңызды түрлерін басып шығару» республикалық бағдарламасының қолдауымен жарық көрді. Осы сериядағы кітаптар еліміздің мәдениетін, ғылымы мен білімін дамыту үшін маңызды мәнге ие, қоғамның рухани өсуіне, оның зияткерлік және мәдени әлеуетін арттыруға, Отанға деген сүйіспеншілікті тәрбиелеуге, Қазақстан аумағында тұратын халықтардың үздік дәстүрлерін насихаттауға ықпал етеді.

Көрмеде қазақ поэзиясының классиктерінің шығармалары, сондай-ақ есімдері оқырмандар үшін ашық болатын жаңа авторлардың шығармалары ұсынылды.

Осы көрмеге қатысуға ниет білдірушілерді шақырамыз. #Qazaqstan30