2021 жылдың 15 сәуірінде өлкетану әдебиеттері бөлімінің әдеби-ақпараттық секторының ұйымдастыруымен Ұлттық ғашықтар күніне арналған «Махаббат мәңгі ертегі» атты әдеби жыр кеші өткізілді. 

Әдеби кешке қаламыздың жоғары оқу орындарының студенттері, «Ақ қауырсын» әдеби жастар клубының мүшелері және кітапхананың жастары белсене ат салысты. Кешке арқау болған махаббат тақырыбы мазмұнына сай ашылып, махаббат символдары «Қозы Көрпеш пен Баян сұлу» жайлы тарихи бейнероликтер көрсетілді. Осының нәтижесінде шараға қатысқандар қос ғашық жайында көбірек ақпарат алды.  Жырдан үзінді оқыған жас ақындар кештің көркін келтіре түсті. Аталған шара Ғашықтар күнін кітапхана қабырғасында атап өту дәстүрін жалғастырды және мерекенің танымалдығын арттыруға үлес қоса бермек.