Құрметті оқырмандар! Дүниежүзілік денсаулық күнін атап өту аясында Абонементтер бөлімі «Дені сау ұлт – табысты мемлекет» атты онлайн көпшілік дәрісін ұсынады. Адамның денсаулығын қорғау қашанда мемлекеттің басты міндеттерінің бірі болып табылады, бұған Қазақстан Республикасы Конституциясының 29-бабында кепілдік берілген.

2021 жыл медициналық және әлеуметтік қызметкерлер жылы деп жарияланды. Осылайша Дүниежүзілік денсаулық сақтау ұйымы пандемиямен күрестегі олардың жанкешті жұмыстарын құрметтеуге шақырады.

Медицина қызметкерлерінің күнделікті жұмысы пациенттермен эмоционалды, қарқынды қарым-қатынасты қажет етеді. Бұл олардың бойында созылмалы күйзелістің пайда болу қаупін күшейтеді, одан кейін бұл жалпы жұмыспен байланысты кәсіби дағдарысқа алып келуі мүмкін. Бұл туралы Оңалту және қалпына келтіру бөлімінің психологы, «А. Байтұрсынов атындағы Қостанай өңірлік университеті» коммерциялық емес акционерлік қоғамының магистранты Виктория Бурикуловна Хакимова айтып берді.