Құрметті оқырмандар! 

2021 жылдың 6 сәуірінде Халықаралық денсаулық күніне орай көзі көрмейтін және нашар көретін азаматтармен жұмыс бөлімі Рудный қаласында «Саламатты өмір салтының негіздері» атты дауыстап оқу өткізді. 

Бұл іс-шараның мақсаты оқырмандарды саламатты өмір салтын ұстануға шақыру, сондай-ақ денсаулықтың адамның басты байлығы, оның тіршілік әрекетінің, материалдық әл-ауқатының және ұзақ өмір сүруінің негізі болғандықтан денсаулықты сақтау мен нығайтудың қажеттігін түсіндіру болды.

Кітапхана ең қолжетімді ақпараттық-мәдени орталық ретінде саламатты өмір салтын насихаттайды және пайдаланушыларды денсаулықты сақтаудың негізгі қағидаттарымен таныстырады.  Оқу үшін мерзімді басылымдардың мақалалары мен денсаулықты жақсарту және өмір сүруді мүмкіндігінше ұзарту жайындағы кітаптар таңдалды.  Іс-шара шахмат пен дойбыдан сайыс өткізумен аяқталды.