24 желтоқсанда жазушы, Кеңес Одағының Батыры, Абай атындағы Қазақ КСР мемлекеттік сыйлығының лауреаты Бауыржан Момышұлының туғанына 110 жыл толды. Осы күнге орай Өлкетану әдебиеттері бөлімінің әдеби-ақпараттық секторының қызметкерлері екі тілде бейнефильм дайындады. Онда жазушының өмірбаяны туралы баяндалып, оның шығармашылығына жан-жақты шолу жасалған. Әсіресе жазушының майдандағы ерліктері мен өмірінде орын алған қызықты сәттерге ерекше көңіл бөлінген. Бейнефильм Бауыржан Момышұлының талантын құрметтейтіндерге, сондай-ақ тарихшыларға, өлкетанушыларға және жай ғана әдебиет сүйер қауымға ұсынылады.