Құрметті оқырмандар! Өнер туралы әдебиеттер бөлімі назарларыңызға еңбегі сіңген суретші, ҚР Суретшілер одағының мүшесі Николай Васильевич Торшиннің жаңа альбомының тұсаукесерін ұсынады.

Николай Торшин өз шығармашылығында шынайылыққа, болуы мүмкін дүниелерге деген адалдығымен ерекшеленеді. Оның суреттері кеңестік сурет мектебінің дәстүріне сай салынған. «Николай Торшиннің табиғатты бейнелеген суреттері табиғатты сол қалпында жеткізе алуымен таң қалдырады. Ол көбіне даланың әдемі гүлдері мен шүйгін шөбі көз қызықтырған, масағы дәнге толы егіні жайқалған құнарлы, халыққа жайлы өлкені бейнелейді. Өзінің әр жұмысын суретші жүрегінен өткізіп, ой көзімен көріп барып салады»,- дейді өнертанушы Мария Жұмағұлова.