Өнер туралы әдебиеттер бөлімі сіздерді «Күзгі көрініс: орыс суретшілері салған алтын күз» атты кітап көрмесіне шақырады. Көрмеге табиғаттың тамаша көріністері бейнеленген альбомдар қойылған, олардың басты тақырыбы жылдың ең көрікті кезеңі – күз болып табылады. Күзгі көріністерді қағаз бетіне түсірген суретшілердің ішінде Исаак Левитан, Иван Шишкин, Ефим Волков, Илья Остроухов, Василий Поленов, Александр Киселёв, Алексей Хижкин және т.б. көптеген суретшілер бар.  Күз қашаннан суретшілердің, ақындардың және басқа да шығармашылық адамдарының шабытын шақырар кез болып табылады.

         Кітапханадағы көрмені көргеннен кейін сіз өзіңізге керемет көңіл күй сыйлап қана қоймай, сіздің шығармашылығыңыз үшін шабыттың бастауы болар өнердің әсем әлеміне сапар шегетін боласыз. Көрме ай бойы жұмыс істейтін болады.