Әмбебап оқу залы назарларыңызға Домбыра күніне арналған «Домбыра – дәурен ән ғұмыр» әдеби-сазды кешінің шолуын ұсынады.

Домбыра – күй аспабы. Қазақ үшін күй – жәй ғана шығарма емес, бұл халықтың музыкамен айтылатын тарихы, оның салты мен дәстүрі. Сол себепті қазақтар күй тартушыларды – көшілігі керемет домбырашылар болып келетін күйшілерді аса жоғары бағалаған. Қазақ халқының ішінде «Нағыз қазақ – қазақ емес, нағыз қазақ – домбыра!» деген тіркес кең тараған. Осылайша әр қазақтың домбырада ойнай білуінің маңыздылығы ескертіледі, ал бұл қазақтардың бұл аспапқа деген ерекше сүйіспеншілігі мен құрметін көрсетеді.