12 қыркүйекте Абонементтер бөлімі Қазтұтынуодағының Қостанай жоғары колледжінде көрнекті қазақ академигі және қоғам қайраткері Қаныш Имантайұлы Сәтбаевтың туғанына 125 жыл толуына арналған «Туған жердің асыл тасы» атты ақпараттық дерекнама өткізді.
Бөлім қызметкерлері оның өмірінен қызықты деректер келтіріп, кәсіби жетістіктерін атап өтті. Оның Қазақстанның жер қойнауын зерттеуге сіңірген еңбегі, Жезқазғандағы мыс пен Жездідегі марганецтің үлкен қорын ашқаны туралы айтып беріп, Қаныш Имантайұлының Қазақстан Ғылым академиясының тұңғыш ұйымдастырушысы және тұңғыш президенті болғанын атап өтті.
Іс-шара соңында Сәтбаевтың Қазақстан жер қойнауын игеруге қосқан үлесіне арналған «Тайны и судьбы великих казахов» фильмінен үзінді көрсетілді.
#гидқазақстанға #гидпоказахстану