2022 ж. 22 сәуірінде Л. Н. Толстой ат. Қостанай облыстық әмбебап ғылыми кітапханасы барлық тілек білдірушілер үшін әдеттен тыс жұмыс күнін ұйымдастырды.

Кітапхана қонақтары жабық қорлар мен қоймаларда болып, әдеби квесттер мен викториналарда өз бақтарын сынап көруге мүмкіндік алды, шеберлік сыныптарында жаңа білім мен дағдылар игеріп, ең белсенділері караокеде ән айтып, әуесқой әдебиетшілердің әдеби-музыкалық отырысына қатысты. «Кітапхана түні –2022» экология тақырыбына арналды. Сондықтан келушілерді табиғатқа ұқыпты қарауды, ұтымды тұтынуды және салауатты өмір салтын насихаттаған көптеген қызықты іс-шаралар күтіп тұрды. Бір мезгілде бірнеше және түрлі бағыттағы алаңдар жұмыс істеді, сондықтан ешкімнің іші пысып үлгермегені анық!