Өлкетану әдебиеттері бөлімі оқырмандар назарына ҚР еңбек сіңірген кітапханашысы Н. Қ. Дәулетованың 95 жылдығына арналған «Жан жарасын жазғандар» тақырыптық сөресін ұсынды.

         Тұтас бір ғылым саласының, өнердің, әдебиеттің дамуын білдіретін, көз алдыңа келтіретін есімдер болады. Қазақ КСР еңбек сіңірген кітапханашысы, тарих ғылымдарының кандидаты Нәзира Қожахметқызы Дәулетова осындай есімдердің ішінен лайықты орын алады. Қазақстандағы кітапхана ісінің даму тарихы, кітапхана теориясы мен практикасы оның есімімен тығыз байланысты. Осы бір нәзік жанның, оның көптеген серіктестерінің республикадағы кітапхана ісінің дамуы үшін атқарған істері орасан зор және қазіргі кездегі кітапхана ғылымының дамуын қамтамасыз ететін  осы саланың іргетасы болып қала бермек.