Абонементтер бөлімінде қазақ жазушысы, ақын, фельетоншы және Қазақстанның еңбек сіңірген мәдениет қайраткері Мыңбай Рәштің 90 жылдығына арналған «Қаламы ұшқыр қаламгер» атты кітап көрмесі жұмыс істеп тұр.
Оқырмандар назарына М.Рәштің 3 томдық шығармалар жинағы, оның таңдамалы шығармалары, өлеңдер жинағы, «Мен айтпай, сірә, кім айтар...», «Кері тартқанды бері тарт», «Есімде есілген естеліктер», «Топжарған елім» сатиралары және т.б. ұсынылған. Гүлжаһан Орданың «Сөз құдіреті» кітабында М.Рәштің шығармашылығы туралы мақалалар топтастырылған.
Барлық тілек білдірушілерді қазан айының соңына дейін жұмыс істейтін көрмені көруге шақырамыз.