Құрметті оқырмандар! Өнер туралы әдебиеттер бөлімі назарларыңызға Олег Витальевич Кусковтың «Өскен өңірдің әдемі әлемі» атты онлайн көрмесін ұсынады. Олег Витальевич 1989 жылдан бастап сурет салумен айналыса бастаған суретші, республикалық, облыстық, қалалық байқауларға қатысушы. Кескіндеме және графика техникасында жұмыс істейді, табиғат көріністерін, портреттер, тақырыптық суреттер салады. Суретшілер табиғат көріністерін бітпейтін мүмкіндіктері үшін ұнатады, себебі табиғаттың кез келген жерін қай жағынан қарауыңа, жарықтың көлеміне, бейнелеудің техникасы мен мәнеріне байланысты бірнеше нұсқада беруге болады, ал мұндай жерлер жетерлік.