Абонементтер бөлімі политология, тарих, экономика, социология саласының мамандарын, мемлекеттік қызметкерлерді, ғылыми қызметкерлерді, оқытушылар мен студенттерді ҚСЗИ басылымдарымен танысуға шақырады.
Қазақстан Республикасы Президенті жанынан құрылған Қазақстан стратегиялық зерттеу институты Қазақстан Республикасы Президентінің Жарлығымен 1993 жылдың 16 маусымында құрылды.
20 жыл ішінде институтта ҚР сыртқы және ішкі саясатының, халықаралық қатынастардың, ғаламдық және өңірлік қауіпсіздіктің, экономиканың өзекті мәселелері бойынша 250 кітап шығарылды.
Кітапхана қорларында жеке және ұжымдық монографиялар, ғылыми конференциялар мен дөңгелек үстелдердің материалдары басылған жинақтар, мақалалар жинақтары, анықтамалық-әдістемелік құралдар, орыс тілінде шығатын «Казахстан-Спектр» және «Analytic», қазақ тілінде шығатын «Қоғам және Дәуір», ағылшын тілінде шығатын «Central Asia s Affairs» секілді төрт мерзімді басылым бар.