Қараша айында «Кітаптар, әндер және халықтар» тақырыбымен еврейлердің дәстүрлі кітап фестивалі болып өтті. Еврейлердің кітапты көп оқитын халық екендігі белгілі, сондықтан да болар фестивальға жиналғандар мәдениет пен өнер саласының атаулы күндеріне арналып безендірілген «Шабыт берер шығармалар» атты кітап көрмесіне үлкен қызығушылық білдірісті.  Бөлім дайындаған қысқаша бейнесюжеттер: сұхбаттар, атақты театр қайраткерлері, композиторлар, режиссерлер (Н.И.Сац, А.С.Левенбук, Д.Ойстрах, М.Козаков) туралы бейнекөрсетілімдер фестивальдың есте қалатын ерекшеліктерінің бірі болды. Сценарийге енгізілген М.Колмановский мен М.Таничтың әндері келгендердің көңілін көтеріп, олардың шараға деген қызығушылықтарының арта түсуіне ықпал етті.